تیمێکی پزیشکیی لە نەخۆشخانەی کرۆمۆڤێڵ لە لەندەن لەکاتی دوو نەشتەرگەری بڕبڕەی پشتدا چاویلکەی زیرەکی ئەپڵ بەکاردەهێنن، پزیشکەکان ئامێرەکە بە ئامرازێک بۆ دروستکردنی “دیمەنێکی گرافیکی گونجاو” ناودەبەن.
پزیشکەکان خۆیان ڤیژن پرۆیان لەچاو نەبووە، بەڵام دەوترێت پەرستارێک چاویلکەی VR ی لەچاو بووە لە کاتی ئامادەکارییەکان بۆ نەشتەرگەرییەکان و لە کاتی نەشتەرگەرییەکانیش، چاویلکە زیرەکەکە بۆ بینینی دیمەنەکان بەشێوەیەکی دیجیتاڵی لەژووری نەشتەرگەریدا وەک ئامرازێک بەکارهێنراوە.
کۆمپانیاکە ڤیژن پرۆ وەک ئامێرێکی کۆمپانیا بۆ پیشەگەرەکان لە هونەرمەندانەوە تا ژمێریارەکان دەخاتە روو کە دەتوانن چەند شاشەیەکی راستی یان خەیاڵی بەکاربهێنن.
وە لە هەموو بەرهەمە جیاوازەکانی ئەپڵدا، پاڵنەرێکی گەورە هەیە بۆ خۆگونجاندن لەگەڵ بابەتی چاودێری تەندروستی، هەرچەندە تا ئێستا، زۆربەی بەرهەم و خزمەتگوزارییە پەیوەندیدارەکان ئامانجیان بەکارهێنەرانی ئاسایی بووە، وەک تواناکانی شوێنپێهەڵگرتنی دڵی کاتژمێری ئەپڵ یان تایبەتمەندیەکانی خەوی ئایفۆن.
